شكرا يا ندا على التاج، اشكرك لأنه أول تاج في حياتي
اسم مدونتك؟
"السلحفاة تطير" في الحقيقة مش أنا اللى اخترته لكن أخي علاء، طبعا مايخفاش عليكم أنى واحد من عشاق يحيى حقي .. السلحفاة تطير هاعبر بيها عن رغبتي في اكتشاف الحياة والدنيا وكل شئ جديد، بس طبعا ماتمناش أنى نهايتى نكون زى نهاية قصة السلحفاة تطير ..
هل فكرت في إغلاق مدونتك؟..والسبب؟
في الحقيقة احنا لسه عاملنها مش معقوله نفكر نقفلها دلوقتى .. بس يمكن قدام شويه .
صورتك في المدونة..رمزيتها؟
لسه ماحطتش صورة ليا، لكن أوعدكم بصورة قريبا
طبيعة كتابتي في المدونة؟
مش عايز أقول أى حاجه، لكن لحد دلوقتى غالبية اللى نزل فيها صور وتعليقات بسيطة .. وصراحة بفضل الصور أكتر من الكلام
لماذا دخلت عالم التدوين ؟
على العبارة الخالدة لأحمد الدرينى .. التدوين أفيون الشعوب، و بالتالي لازم نشترك كلنا في الكيف دا.
احلى جمله قيلت لك فى وصف مدونتك؟
أنى تصميمها حلو .. شكرا يا ندا
التعليقات بالنسبه لك ؟
مهمة جدا .. وبستناها .. وباحترم جدا كل اللى يعلق على مدونتي
احلى بوست كتبته ..ولماذا؟
لسه ماحصلش .. نتمنى يحصل
أفضل بوست قرأته؟
بوست على مدونة الحيتان .. في الحقيقة مش عارف مين كتبه .. بس عاجبني بجد .. وكمان بوست الدرينى بتاع الملابس البيتية .. نيهاهاها
أفضل مدونة؟
من حيث التصميم مدونة شباك .. ومن حيث التدوينات .. كل الناس الحلوه اللى على يمين مدونتي ..
حد قل ادبه فى التعليق..ايه رد فعلك؟
لحد دلوقتى لا.. عندي رقابة مشددة ومش هاسمح أن دا يحصل ..
أسوأ بوست..أسوأ مدون؟أسوأ مدونة؟
مش عارف بجد .. بس حتى لو فيه مش مهم اذكرها
لمن أعطي التاج؟
إلى مصعب رب الكيبور، و براء أشرف، وعلا المعترضة
2 comments:
هههههههههههههه
مصعب وعلا نفس التاج بردو
يلا بقي انا ومحمد مستنين منكوا اجابات التاج
Post a Comment